الحلقة ‏الأخيرة- ‏في ‏مكان ‏مظلم

في مكان مظلم

 ( قصة الإستحواذ الشيطاني على الطفل ستيفن سنيديكر وعائلته- قصة حقيقية من ملفات عالمي الشياطين إد ولورين وارن)

الحلقة الأخيرة

بعد ساعتين، كارمن كانت نامت وجنبها آل، أما التلات باحثين فكانوا في السفرة بيشربوا قهوتهم ويسجلوا الي حصل.

آل كان لابس بنطلون البيجاما والروب، ونايم على جنبه وباصص لكارمن كأنها ممكن تختفي من قدامه في اي لحظة..كان خايف وغاضب..

كارمن كانت بتتقلب كتير، وكأنها بتحلم بكاوبس، طبطب عليها آل، وبدأ يصلي في سره، لكن حنجرة كرمن كانت بتورم تاني وتسود. صرخ آل:

- الحقونا..كارمن هاتروح تاني! 

جم الباحثين، ورفع كريس صليب في إيده وبدأ يأمر الشيطان بالرحيل. فتحت كارمن عينيها على وسعهم، وكانت بيضا تماما، وفضلت تترعش وتتشنج وهي بتحاول تتنفس.

قام آل وقف، و في غضب شديد صرخ:

- الله يلعنك..أنا أقوى منها، سيبها وتعالالي أنا يا إين العاهرة..تعلالي أنا..

قال كريس بصوت عالي وهو بيشد آل من دراعه:

- آل ماتقولش كده! إسكت!

لكن آل ماسمعش الكلام. 

- سيبها وتعالالي أنا! هاتشوف هاعمل فيك إيه..

وقف الكلام في حلق آل فجأة، وبدأ يتخنق.شيء ما زقه على المرتبة، صرخ سال:

- ياربي!!

نزل آل على إيديه وركبه في ضعف، وبدأت كارمن تفوق بينما حالة آل بتسوء. فضل جون يأمر الشيطان بالرحيل بأعلى صوته وهو بيعرق وجسمه بيسخن.

الروب الي كان لابسه آل إترفع وإترمى على راسه، بنطلون البيجاما إتقطع هو الي تحته لحد ما بقا آل عاري.

صرخ آل، صرخة عالية رجت البيت وفضل جسمه يتهز لقدامه كأن حد بيزقه، وفضل يصرخ في الم ورعب ومحدش كان عارف يعمل له حاجة.

أما فاقت كارمن خالص بصت لجوزها في رعب، ,ادركت إنه بيتهاجم، وإن الشيطان بيهين رجولته قدام الحاضرين، وقدامها..

مرت لحظات والكل متكتف، زحفت كارمن ناحية أل ولفت إيديها حواليه، بس آل كان بيصرخ، صراخ غريب جدا على كارمن من جوزها القوي الخشن.

- حد يعمل حاجة! هاتسيبوه كده؟؟

للأسف صلواتهم ما جابتش نتيجة، واللي بيحصل ماتوقفش إلا أما الشيطان وصل رسالته وإنتهى من مهمته.

كارمن حضنت آل وفضلت تعيط، كانت عارفة قد إيه الي حصل معاه مهين، وقد إيه بتكون إهانته غير محتملة أكتر أما يحصل قدام ناس، وقدام غرباء.

_______________________

اليكانات الشيطانية الموجودة بدأت تضايق الباحثين كمان، ساعات بيحسوا بصفعات متتالية فجأة، وساعات كانوا بيحسوا بقرصات أثنناء نومهم.

الأسر والباحثين بقوا بيقضوا أغلب اليوم في الجينية قدام المبنى، بس مكانوش بيقدروا يقعدوا طول اليوم أو يباتوا فيها علشان الجيران. أما شقة الدور العلوي فسكانها سابوها تاني يوم حادث السيدة الخضراء وماقالوش السبب وارجعوش تاني.

في يوم الأسرة والباحصين كانوا بيتعشوا في الجنينة، وكان سال أول واحد يدخل الشقة ويلاحظ شيء غريب. فورا خرج وناداهم ييجوا.

أما دخلوا لقوا المراتب على الأارض بتتنفس! منتصف كل مرتبة كان بينتفخ ويرتفع ببطء ويرجع ينزل تاني كأنها بتتنفس.

إد ولورين كانوا بييجي كل يوم تقريبا ويبقعدوا ساعة أو إتنين وشدوا على كذا حاجث غريب مشابه. في يوم حادث المراتب إتصلوا بيهم وجم وشافوا الي بيحصل، بس سمعوا كمان صوت معدني غريب جاي من أوضة النوم. دخل إد ولورين وكارمن ولورا وكريس ومعاهم صلبان، ونزلت لورين على الأارض جنب السرير وحطت إيدها على المرتبة وقالت بصوت واطي:

- الوضع أسوأ هنا..

سأل إد:

- الصوت ده جاي منين؟

قامت لورين ومدت ايدها قاامها وبدأت تحاول تفتح عقلها قدام الذبذبات علشان تحدد مصدرها.

- الصوت مش من الأوضة..

قالت كارمن في رعب:

- ياربي! الصوت ده شبه الرافعة الي تحت في البدروم، الي كانوا بيرفعوا عليها الموتى للأوضة دي! الموتى كانوا بيطلعوا من باب في الارضية تحت السرير.

نلت المجموعة البدروم بتتقدمهم لورين، وفي نص السلم توقف صوت السلاسل المعدنية. أما وصولوا لأوضة التشريح لقوا السلاسل لسه بتتهز كانها فعلا كانت بتتحرك من ثواني.

في زيارة في يوم لاحق، لورين شافت رؤية مركبة جدا، رعبتها أكتر من الرؤية الي شافتها تحت في البدروم أول مرة..

كانت خارجة من الحمام الي قصاد باب البدروم، ولقت الباب مفتوح. حست إن في حاجة تحت، قربت ونزلت سلمتين، وحست إنها إتشلت وإتجمدت مكانها.

عند أول السلم كان في رجل، ظهر قدامها من العدم، كان لابس فانلة داخلية متسخة وبنطلون باجي واسع ملوث ببقع بني. البنطلون كان واسع أوي عليه ومجرجر في الارض، ومكانش لابس حذاء، مجرد شراب كان أبيض في يوم من الأيام.

شعره كان إسود وطويل وملزق، وكان أصلع من قدام. الرجل كان بيقفل بنطلونه ويرفعه كأنه لسه بيلبسه، وكان بيلهث..

بص الرجل للورين وإبتسم وبانت أسنانه المصفرة المسوسة من بين شفايفه السميكة المتقرحة. بل شفايفه بلسانه وبدأ يطلع السلم ناحية لورين.

- أجسامهم جميلة..أجسامهم جميلة وباردة وماسكة نفسها..

طلع سلمة كمان....

- ما بيتحركوش أما الواحد بيلمسهم، مابيمانعوش إني الحسهم..كده..

خرج لسانه بره ولحس الهوا، وكمل صعود خطوة كمان..

- الحقيقة إن الواحد ممكن يعمل فيهم أي حاجة تخطر على باله..تعالي أوريكي..تحبي تتفرجي عليا؟ أنا مستعد تاني..مستعد على طول..

مد الرجل غيده وبدأ يفتح البنطلون، غمضت لورين عينيها في قرف ورعب. قدرت لورين أخيرا تصرخ لحد ما جه إد وساعدها تطلع. أما بصت تحت مالاقتش حد.

- مالك؟ في إيه؟!

- نيكرو..نيكروفيليا! إد..في حاجات مروعة حصلت في البيت ده!

- نيكروفيليا؟

- ايوه..انا شوفت رجل وقال لي..كان عايزني أشوفه وهو.....

سند إد زوجته وخرج بيها للصالة. فضضلت فترة لحد ما قدرت تتمالك أعصابها بس ماقدرتش تتكلم تاني. قال إد بدالها لآل وكارمن والباحثين:

- نيكروفيليا..إشتهاء الموتى وممارسة الجنس معاهم..طبعا ده شيء مقزز ومنحرف وقذر، الممارسات المشابهة بتجذب الشياطين وبتفتح لهم باب للعبور. واضح إن كان في ناس بتشتغل في المشرحة عندهم الإنحراف ده وكانوا بيمارسوه مع الجثث لحد ما فتحوا باب للشياطين للعبور.. وارد برضو إن حد فيهم كان مستحوذ عليه شيطان وهو الي دفعه لممارسة النيكروفيليا..محدش يقدر يحدد الي حصل بالضبط..

قالت كارمن:

- طيب نعمل إيه دلوقتي؟!

- نتواصل مع الكنيسة ونوريهم الأادلة الي معانا لحد لوقتي..أعتقد إنها كافية.

- بس إحنا حكينا لقس قبل كده وما صدقناش.

- عارف طبعا، بس إحنا معانا أدلة متصورة ومتسجلة دلوقتي..طبعا مش عايز أديكم أمل إنها أدلة كافية علشان الكنيسة تتحرك لكن..

- لكن إيه؟

- لكن ممكن يردوا علينا بنفس الرد الي تلقيتوه، إنهم يشوفوا إن الأدلة غير كافية لإرسال طاردشياطين متخصص.

___________________________

26

الكنيسة ترُد

رن جرس الباب، وراحت كارمن تفتحه ولقت على الباب رجل أربعيني مبتسم وماسك شنطة.

- حضرتك السيدة سنيديكر؟ أنا الأب جورج..إد وارن كلمني وحكالي عن مشكلتكم.

- أبونا..متشكرة جدا إنك جيت..إتفضل.

حس الأب جورج فورا بحضور مظلم شرير، لكنه تمسك بإبتسامته علشان كارمن ما تتضايقش.

- إتفضل أقعد..السيد وارن قالك إيه بالضبط؟

- قال لي إن في نشاط ماورائي مزعج وقاسي جدا في بيتكم، وإنه إستنتج من بحثه إن النشاط بسبب تواجد شيطاني وإنكم محتاجين مساعدة الكنيسة.

الأب جورج مقالهاش كل الحقيقية، والحقيقة هي إن الكنيسة رفضت مساعدتهم لعدم كفاية الأدلة، وإنه جاي بطلب شخصي من إد وارن علشان الأسرة ماتفقدش ثقتها وإيمانها والكنيسة ورمزيتها. والحقيقة إن الأاب جورج نفسه كان جاي يتأكد، لكن إحساسه بالتواجد الروحاني المظلم المألوف له كشخص تعامل كتير مع الماورائيات خلاه يصدقهم فورا.

- انا بقترح اتجول في البيت واباركه وأشوف إيه الي هايحصل..ولو مافيش مانع هارجع بكره او بعده مع كاهن ونعمل قداس.

- مافيش مانع طبعا..اتفضل..محتاج حاجة مني؟

- لا خالص..كتر خيرك.

صحت كارمن الباحثين علشان كانوا نايمين في السفرة، واعتذرت عن الكركبة..وبدأ الأب جورج يمشي في المكان بهدوء ولف على البيت كله لحد ما وصلت لسلم البدروم. كل سلمة كان بينزلها كان بيحس بتقل شديد فيص دره كانه نازل في اعماق بحر. أما وصل تحت كان جسمه بيترعش وعرقان ومش قادر يتنفس. وكل ما كان بيتوغل أكتر كان الإحساس بيزيد. لورين وارن حذرته من البدروم بس تحذيرها مكانش على قدر الهول الي حس به..فعلا ست قوية!

بدأ يبارك الأوض تحت، وإكتشف إنه بيبكي حتى إن صدر قميصه إتبل من الدموع. وقف قدام الأأوضة الي كانت مشرحة، وبدأ يصلي، لكن صلواته كانت بتطلع ملخبطة ومدغمه..في حاجة غلط..

في شيء أسوود شفاف قدامه كان بينز من الحائط كأنه سائل، وبيترحك ناحية الأب جورج. رش مياه مقدسة تاني ورفع الصليب قدامه وتراجع عن الأوضة ببطء لحد ما بقا وسط البدروم، وطلع بسرعة على السلم لفوق.

قفل الباب وطلع منديله ينفش دموعه وحاول يبان إنه كويس، لكن كارمن ولورا الباحثين مغابش عنهم حالته وفضّلوا يسكتوا.

- لو مافيش مانع هارجعلكم مع راهب ونعمل قداس..في أرسع وقت..ممكن النهاردة بليل أو الصبح بكره..

- مافيش مانع..ابونا هو في حاجة؟!

- لا أبدا..الدنيا حر تحت، وإفتكرت إني ممكن أنشغل الإسبةع ده، فنعمل القداس أقرب فرصة.

_____________________

رجع الاب جورج بعد ساعات ومعاه راهب إسمه الأب جاري.

الكل كان متواجد، كارمن، آل، الأولاد التلاتة، لورا، وكريس وجون. وقفوا كلهم في الصالة ووقف قدامه الأب جورج والأب جاري، وقال الأاول:

- النهاردة هانقيم قداس، لو مافيش مانع عندكم.

سأل آل:

- في حاجة مطلوب منا نعملها؟

- لو ممكن تجيبولي ترابيزة صغيرة..

جاب آل ترابيزة وحطها وسط المراتب، ووقف الكل فوق المراتب لأن مكانش في مكان يقفوا كلهم على الأارض. حط الاب جورج الكتاب المقدس والصليب والماء المقدس على الترابيزة وبدأ القداس اللاتيني القديم.

خلال القداس بدات حاجات تحصل، حاجات مش المفروض تحصل أثناء القداس..

كارمن ولورا كانوا أول حد لاحظها، والإثنين كانوا شايفين نفس الشيء.. سحابة رمادية بدأت تتحرك في الأوضة، سحابة لها طاع سائل غريب، بدأت تلف حوالين الأاب جورج الأول بعدها لفت حوالين الأاب جاري لحد ما غلفت الإثنين.

كان واضح إن الشياطين بيستخفوا الآباء وبالطقس كله، خاصة إنهم مكانوش حاسين بالي بيحصل معاهم ده، لكن لاحقا إتضح إن كل الحضور شافوا السحابة السائلة دي. 

بعد شوية حست لورا إن في حاجة ماشية على رجلها، كانت لابسة بنطلون برمودا، وحست بإيدين صغيرة باردة بلولة، كأنها إيدين أطفال، بتحسس على رجلها وبتشد هدومها. وبدأت تسمع أصوات أطفال لكن بتقول كلام إباحي غريب جدا ومرعب بصوتها البريء..

حاولت تركز على القداس، وعينها دمعت من الخوف، لكنها حاولت ما تعيطش.

كارمن كمان حست بنفس الإحساس بالضبط، لكنها ما إتحركتش من مكانها وبدأت تصلي بقوة وخشوع أكتر.

بدأ كريس يحس بحاجة غريبة هو كمان، بإيد هويه بتمسك أعضاؤه الحميمة وبتحاول تفتح سوستة البنطلون. ركز في الصلاة أكتر وكان بيحاول مايتحركش علشان مايقطعش القداس.

وإستمر القداس حتى النهاية..

_______________

خلال الأسابيع اللي فاتت كان الهجوم رغم عنفه، محدود..لكن بعد القداس الوضع إختلف تماما..

ملابس الأسرة والباحثين كانت بتتقطع وبيتم التحرش بيهم اي وقت، لكن مش بالإيدين..بالسكاكين..

كل إحساسهم كان عبارة عن سكاكين بتقطع فيهم، بتقطع ببطء وحزم. قررت لورا في النهاية تسيب البيت، وكان قرار مبرر تماما..لكن في اللحظة الي خرجت فيها من البيت بقت عمياء!

ملابسة إتقطعت والسكامين بدات تخرترق جسمها، فضلت تصرخ قدام البيت وهي مش شايفة اي حاجة، وإتلم حواليها المارة في الشارع لحد ما جه آل ودخلها.

بعد ساعة رجع البصر للورا، وقال جون في قلق:

- لازم يكون في حل سريع..الشياطين غاضبة..

___________________________

بليل، كان جون و كريس في أوضة السفرة بيراجعوا بعض التسجيلات، والأسرة نايمة في الصالة. كريس إتاوب ونام مكانه، فسابه جون ينام ساعة ولا حاجة..لسه الليل طويل.

بعد دقايق سمع جون صوت خطوات طالعة من البدروم، هز كريس علشان يصحيه لكنه ما صحيش. شال راسه من الترابيزة ورفعها وسابها، فنزلت على الترابيزة بقوة، كأن كريس ميت..

بس كريس مكانش ميت، وأدرك جون من خلال خبرته السابقة إن الشياطين بتقدر تنيم الناس كأنهم متخدرين، وده بيحصل كتير وحصل مع آل زي ما حكى قبل كده.

الخطوات بدأت تقرب مع صوت غمغمات وهمسات، وإنقطعت الكهربا..

دور جون على الكشاف ونوره، وحس ببرودة شديدة بتزحف على المكان. سلط نور الكشاف على الصالة وعلى الطرقة لكنه ماشافش حد. فجأة سمع صوت جنب ودنه بيقول:

- عارف؟ .....عارف؟؟؟

لف جون بسرعة وه بيدور في جيبه على الصليب، وسلط النور على الحيطة وهو بيصرخ:

- حد صاحي يا جماعة؟! حد سامعني؟

رجع الصوت الأنثوى تاني، صوت مبحوح مخيف..

- عارف إيه الي عملوه؟

فضل جون يهز في كريس بدون نتيجة، لف النور حوالية في ذعر لحد ما شافها..ست عريانة جسمها مترهل جدا وبيتهز وهي بتتحرك ناحيته..شعرها إسود طويل ملزق، وعينيها غائرة، وجسمها بيشع بنور أخضر خافت. مكانش عندها أسنان..قالت وشفايفها بتتحرك لجوه بقا الفاضي وهي بتتكلم:

- عارف..إيه..الي ..عملوه..فينا تحت؟ عارف؟!

رفع الصليب قدامه وبدأ يصلي صلاة العذراء في رعب وهو بيقول لنفسه: هو أنا بعمل إيه؟!

- عارف..عملوا إيه..في جثثنا؟ عارف؟!

- بسم يسوع المسيح آمرك أن ترحل!

- عارف كمان؟ عارف ..الي عملوه كان عاجبنا!

-بسم يسوع المسيح آمرك أن ترحل..!

- سامعني؟ عاجبنا!!

فجأة الست وقفت مكانها، إتحركت ناحيته بسرعة البرق. لاحظ جون حاجة غريبة جدا وهي بتتراجع، إنها مابقاتش ست، ظهر لها أجنحة ضخمة سودا، ووشها كان شبه وش الافعى وجسمها متغطي بالحراشف ولها عضو ذكري.

الشيء هجم على جون ووقعه على الأارض على وشه وجثم فوقه وحضنه بالأجنحة الجلدية المقززة..

صرخ جون وأدرك إن الي قدامه جاثوم..شيطان فاحش دنيء..

وفقد الوعي..

بعد مافاق، لقى نفسه على الأرض والكشاف مرمي قدامه، نادى على كريس في ضعف، فصحي وجري عليه.

- جون مالك؟

وفات ساعات عقبال ما قدر جون يحكي..

________________________________

كل مرة كان إد ولورين بييجوا يصلوا مع الأاسرة، كانت الشياطين بتبقا أقوى. حاول الأب جورج كتير يستعجل قرار الكنيسة، لكن مكانش في شيء في إيده أكتر من الي حكاه. عد أسابيع ومابقاش حد من الأاسرة بيقدر يخرج بره حدود الجنينة إلا وتتقطع هدومه أو يعمي..

الوضع بقا مستحيل..

لكن أخيرا وصلت المساعدة..

__________________________

27

الأب نولان

أخيرا، وافقت الكنيسة على إرسال متخصص في إقامة الطقس الروماني الكارثوليكي القديم لطرد الشياطين.

(ملاحظة من المترجمة: الي هايحصل هو طرد شياطين من منزل مش من شخص زي ما شوفنا في كتاب حصاد الشيطان- قضية المزارع موريس ثريو)

الأب شون نولان كان رجل ضخم جسمه عضلي رغم قرب سنه من الستين، لكنه كان محافظ على لياقته من ساعة ما كان في البحرية.

الأب نولان حضر نفسه للطقس بالصيام إسبوع ومراجعة التسجيلات الي أمده بها إد وارن.

كان عارف هو هايواجه إيه، جاثوم..شيطان قديم مدنس قوي..مواجهة خطيرة وممكن تكون مميتة. لذلك بمجرد بدأ الطقس مش هاينفع يتراجع أبدا قبل إنهاؤه.

________________

آل وكارمن كانوا بيتصلوا بستيفن بإستمرار، لكنه مع الوقت بقا بيرفض إتصالاتهم. الاطباء كانوا شايفين غنمافيش مانع يسيبوه براحته لأنه بيمر بمرحلة علاج نفسي قوي.

______________________

يوم إقامة الطقس، خرج آل ستيفاني ومايكل وبيتر للجنينة وطلبوا من تانيا تقعد معاهم أثناء الطقس، وكانت هي الوحيدة من الجيران الي عارفة الي بيحصل معاهم ومتابعاه.

فضل في الشقة كارمن وآل وإد ولورين وكريس وجون ولورا.

اليوم كان يوم حار، والاب نولان كان لابس خفيف،لكن بمجرد دخوله البيت حس ببرودة عنيفة. لكنه كان عارف ومتوقع كل ده. 

فضى محتويات شنطته على ترابيزة ووقف الكل قدامه وقال:

- ياريت تعترفوا بذنوبكم لطلب الغفران قبل البدء.

بدا الأب يغير هدومه للملابس الكنسية،  بعد جلسات الإعتراف الفردية لكل واحد منهم. وبعدها بدأ بقداس.

أثناء القداس شعر كل واحد من الموجودين بنفس الأعراض الي حسوا بيها القداس الي فات، وكلهم تماسكوا للنهاية. آل سمع صوت جاي من جواه بيقول:

- إيه الي بتهببوه ده يا آلين؟ إنت فاكر إن ربك هايساعدك؟ إنت مش جربت مرة وإتنين وتلاتة؟..وساعدك يا ترى؟

إد وارن بدا يحس بإحساس مش مضبوط في صدره، بس كان إحساس بيفكره بأول أزمة قلبيه حصلت له يوم طرد الشياطين من المزارع موريس ثريو سنة 1985، ودعا ربنا ماتكونش أزمة تانية.

لورين كانت بتشوف أضواء خاطفة، من خلالها قدرت تميز جثة عارية على منضدة التشريح..رجل فوقها..وصدح صوت أنفاس وضحكات الرجل في عقلها.

إنتهى القداس وقال الأاب نولان:

- دلوقتي هانبدأ طقس طرد الشياطين..بس أولا حابب أقولكم كم حاجة..أولا، الطقس ممكن ياخد وقت طويل..ساعات ممكن..بس عايز أطمنكم مافيش حد دماغه هاتلف لورا لو شوفتوا فيلم طارد الشياطين يعني! ممكن بالمناسبة نشوف شوية حاجات غريبة..مقلقة..مؤلمة..بس أعتقد أن الأمور دي مألوفة بالنسبة لكم.

- أبونا..حضرتك قولت الطقس هياخد قد إيه؟

- ساعات..على حسب الي هايحصل.

وبدأ الطقس..

___________________

28

طرد الشياطين

بدا الأاب نولان الطقس اللاتيني، ورجعت التحرشات بالموجودين، وضاق صدر إد أكتر..بد اكتر من ساعة التماثيل والتحف في الشقة بدأت تقع على الأرض وتتكسر واللوحات على الحوائط تتهز.

بعد اربع ساعات، الكل كان منهك وواقع على ألارض فوق المراتب، وإد كان متكوم على كرسي وماسك صدره. لكن الأاب نولان كان بيكمل بكل نشاط وقوة.

إد مكانش قادر يتنفس، والكل كان بيبص له في قلق. قربت لورين منه وطلب منها تتصل بالأسعاف.

- تعالى نخرج بره ونكلم الإسعاف من عند تاني..قوم معايا.

سنتد لورين إد وبدئوا يمشوا ناحية الباب، لكنهم لاحظوا إنهم مش ماشيين على الارض، كانوا بيتسلقوا الأارض! الكل صرخ ومد غيديه يحاول يمسك اي حاجة..

مسك الأاب نولان في الترابيزة وإتزحلق معاها لكنه كمل الطقس والبيت كله بيميل وكل محتوياته بتتزحلق في ركن واحد!

لورين كانت عارفة إن الي بيحصل خداع من الشيطان ومش حقيقي، لكنه كان حقيقي بالنسبالهم كلهم. بدأت تجر إد ناحية الباب وهو مش قادر يتنفس وماسك صدره.

ميل البيت مكانش الشيء الوحيد الغريب الي حصل، الأرض تحتهم كانت بتتهادى كأنه سائل، ومنها تصاعد دخان إتشكل على هيئة ايادي بتحاول تمسكهم..أيادي لها مخالب..

مع الصراخ، كمل الأاب نولان الطقس بقوة أكبر، كان عارف إن كل ده بيهدف لإرعابه وتشتيته، لكن كل ده برضو كان هلاوس وأوهام.

الأصوات ملت الأوضة، أوصات همسات وضحكات مجنونة وروائح عفنة قوية.

- عاجبنا!!!!

- كل اللمسات دي..

- أوه!

أجساد بشرية نخرة بدأت تنزل من الحوائط، رجال وستات، كلهم عرايا ومنتفخين وجسمهم فيه علامات زرقا وحمرا. عيونهم غائرة وشعرهم متساقط. وفضلت الاصوات تصدر منهم وهم بيقربوا من الحضور.

- مافيش إله يقدر يوقفنا..

- ماكوناش عايزينهم يبطلوا الي بيعملوه فينا..

- عاجبنا!

صوت الأاب نولان كان بيعلا أكتر لدرجة إنه كان بيصرخ بالصلوات. شاور للكل يصلي معاه، وفعلا كل واحد بقا يقول الصلاة الي تيجي على باله. لورين حضنت إد الي كان قرب يغمى عليه وفضلت تصلي..

بعد ست ساعات ونصف، إنتهى كل شيء..

الأب نولان كان غرقان عرق، بص لهم وهو بيحاول ياخد نفسه علشان يتكلم..الكل كان طالع من معركة.

تحامل على نفسه وقام يبارك البيت بسرعة، وخرجت لورين إد بره في الهوا وراحت تكلم الإسعاف..

ولأول مرة..شبابيك البيت تدخل نور الشمس...

___________________

29

بعد شهور

لورا رجعت الاباما بعد ما حصلت أمهاعلى الطلاق ولقت شغل مستقر، ورفضت تزور كامن في البيت ده تاني.

نصح الأب نولان إن الاسرة تمشي من البيت على سبيل الإحتياط، وده حصل بعد سنة تقريبا.

إد وارن تعرض لنوبة قلبية وشفي من تبعاتها بعد أسابيع.

ستيفن سنيديكر خرج من المصحة، لكنه عاش في معاناه مستمرة، وتوفي بعد عشر سنين من بدء الأحداث متأثرا بمرضه النفسي أو بالمس الشيطاني.

ظهرت العائلة في عدد من البرامج التليفزيونية وكان معاهم إد ولورين وستيفن قبل وفاته، وإتهمهم ناس كتير بالكذب طلبا للشهرة.

المنزل لحد سنة 1998 كان خالي، بعدها تحول لمبنى إداري لعدة شركات صغيرة.

إنتظروا رواية جديدة السبت ان شاء الله من ادب الرعب المترجم ، ودعمكم مهم جدا وهو الي بيشجعني أكمل، لايك صغيرة بتسعدني جدا.