دليل توبين ح10
دليل توبين الروحاني
تأليف وتجميع: كيم موهان- راي سانتنز
ترجمة عامية: شيرين هنائي
غلاف الطبعة المصرية: مي جمال
ملحوظة: التالي نص كتاب توبين مش كلامي أنا كمترجمة، وهي وجهة نظره الخاصة مع الأخذ في الإعتبار إن في مآخذ على توبين من حيث دقته التاريخية.
____________________________
الثلاثة الصوّامين (كثيرو الصيام):
القصص المرتبطة بالثلاث رجال الصوّامين جاية أصلا من الهند، حيث فلسفة الصيام والتجويع مرتبطة بالتطهر والكمال.
الأسطورة بتقول إن التلاتة إخوات، بالغرم من إن ظهورهم الروحاني للبشر بيدل على إنهم مالهومش علاقة ببعض وماحدش سمع عن أن زياراتهم للبشر بتكون جماعية. الغريب إن محدش إداهم إسماء نعرفهم بيها أو نفرقهم بيها عن بعض، لكن المشترك بينهم هو البحث عن الكمال.
الأول أما بيستولي على عقل بشري بيسيطر عليه بفكرة الإتقان والكمال، الشخص المستحوذ عليها بينتابه غضب عارم اما يشوف حاجة مش مضبوطة شكلا أو معووجة أو مش متناسقة. ممكن يبان ده عرض بسيط، لكن في شكله العنيف الشخص المستحوذ عليه بيوصل بيه الدرجة للقطه من جسمه شخصيا علشان يكون متناسق وبناسب فكرة الكمال في عقله.
(ملاحظة من المترجمة: دي أعراض أمراض نفسية موجودة فعلا ومنها ما هو شائع زي الوسواس القهري أو ال OCD
الرجل الثاني بيتميز استحواذه بالحساسية المفرضة، فالإنسان المستحوذ عليه بيكون حساس لأي فعل أو صوت أو ضوء وممكن ده يستفزه بسهولة ويؤدي بيه ساعات لقتل الشخص مصدر الصوت المستفز.
( ملاحظة من المترجمة: برضو في أمراض نفسية كده، واشهرها الضيق أو الإستفزاز عند سماع صوت مضغ الطعام مثلا.)
كمان بيظهر الصائم الثالث بشكل تاني نقدر نقول عليه (ذواقة) وبيمنع الشخص المستحوذ عليه من الأكل إلا إذا كان عارف مصدره ومشرف على طبخه ومتقدم له بشكل جمالي لائق.
الرجل الثالث متخصص بالكمال في الأشخاص. المستحوذ عليه فجأة نظرته للي حواليه بتختلف، وبيشوف مراته الي كانت عاجبة كشخص مليان عيوب شكلية. ممكن يقطع علاقته بحد علشان شعره مش عاجبه. وبيتطور الأمر إنه يأذي نفسه علشان يغير شكله لشكل كامل حسب معاييره وبيكون دايما بيحكم بالشكل لدرجة منفرة.
( تعليق من المترجمة: تفتكروا الصائم الثالث مستحوذ على الممثلات والنجوم اليومين دول وفاتح بيوت دكاترة التجميل؟)
مجرد استحواذ أحد الكيانات دي على شخص بيكون مستحيل الخلاص منه، والضحية مابيكونش حاسس أبدا ولا معترف إنه إتغير أو إن تصرفاته غلط، وبيلقوا اللوم دايما على الأشخاص والأاشياء الي حواليهم والي من وجهة نظرهم مش كاملة ومُدَنّسة.
واضح من الأسطورة دي إنها محاولة بدائية لتبرير بعض المشاكل النفسية الي بتطرأ على البشر، والأأدلة عن وجود الكيانات دي ضعيفة جدا ومافيش مشاهدات لتجسدها ولا حتى أسماء الناس سمتهم بيها لتكرار ظهورهم.
بكرة إن شاء الله بيرجع توبين لبلده، إنجترا، وبتعرف على أساطير بريطانيا العُظمى وغرب أوروبا.
لايك وشير لو الكتاب عجبك، ودعمك هو الشيء الوحيد الي بيخلي الترجمات تستمر على الصفحة.
Comments
Post a Comment