دليل ‏توبين ‏ح6

دليل توبين الروحاني

تأليف وتجميع: كيم موهان- راي سانتنز

ترجمة عامية: شيرين هنائي

غلاف الطبعة المصرية: مي جمال

ملحوظة: التالي نص كتاب توبين مش كلامي أنا كمترجمة، وهي وجهة نظره الخاصة مع الأخذ في الإعتبار إن في مآخذ على توبين من حيث دقته التاريخية.

____________________________

ناسناس:

حكايات الكيان ده بدأت في الأراضي الغامضة المحيطة بحضرموت، على طرف شبه الجزيرة العربية. وادين بمعرفتي بالكيان ده لزميلي الباحث الروحاني المتخصص في كيانات الشرق الأوسط إدوارد ويليان لين.

في كتابة: ليالي العرب، وصف إدوارد الكيان ده بأن له نصف جسم بشري ونصف راس وإيد ورجل واحدة، بإختصار كان نصف إنسان وبيتحرك بالقفز على ساقه الوحيدة. الكيان ده كان قادر على الكلام لكن كان كلامه مشوه ومش مفهوم. إسمه جاي من الصوت الي بيصدره أغلب الوقت وهو شبيه بكلمة " ناس" وبيفضل يكررها كتير. كلمة ناس بالعربية معناها بشر، طبعا محدش يعرف هل يقصد البشر بكلامه ولا يقصد حاجة تانية.

بعض العرب قالوا لصديقي إن لكائن ده بيبحث عن "ناسه" يعني أهله الي شبهه. الي حاول يقتله أو يصطاده منهم أصيب بالفالج "شلل نصفي" ويقال إن الناسناس إستولى على نصف جسده. بالتالي في أسطورة في الصحرا بتقول إن الي بيجيلهم شلل نصفي بيكون بسبب الناسناس.

أهل الصحراء بيستدلوا على وجوده أما بيلاقوا ثمارهم أو أكلهم مقسوم نصين. وبيسيبوا المكان الي هم فيه فورا لعدة ايام او شهور خوفا من مواجهته.

الغريب إن في شمال أسكتلندا عندهم كيان مرعب برضو إسمه نصف العفريت النطاط

Half hobbling goblin

وبيدعوا برضو إنه بيتسبب في إنقسام كل شيء يمر عليه. التشابه ده غريب فعلا وموحي.

عند العرب برضو بيتشائموا أما تكون بتاكل حاجة وتسيب نصفها، أو أما تلبس فردتين جزمة غير بعض أو شرابين غير بعض، ده بيفكرهم بالناسناس أو بيعتبره إستدعاء له.

ملاحظة من الطبعة الجديدة:

لاحقا كتب الروائي الإيطالي إيتالو كالفينو رواية بإسم : الفيكونت المشطور واستوحى فيها شخصية بطله من الناسناس أو نصف العفريت النطاط. في الرواية بينقسم البطل نصفين في الحرب، وبيرجع نصفه فقط علشان يحكم مقاطعته في سلام، لكن بعد فترة بيكتشفوا إن في أشياء مقطوعة نصفين كتير في البلدة، وبنعرف إن النصف التاني الشرير رجع وبيطالب بالحكم.

لينك الحلقة السابعة

https://m.facebook.com/story.php?story_fbid=10158613995210929&id=559350928

لايك وشير لو الكتاب عجبك، ودعمك هو الشيء الوحيد الي بيخلي الترجمات تستمر على الصفحة.