دليل ‏توبين ‏ح8

دليل توبين الروحاني

تأليف وتجميع: كيم موهان- راي سانتنز

ترجمة عامية: شيرين هنائي

غلاف الطبعة المصرية: مي جمال

ملحوظة: التالي نص كتاب توبين مش كلامي أنا كمترجمة، وهي وجهة نظره الخاصة مع الأخذ في الإعتبار إن في مآخذ على توبين من حيث دقته التاريخية.

____________________________

شاماش:

معبود الشمس البابلي شاماش كان مقدس لقرون طويلة. هو الي بيجيب النور للأرض كل يوم ومن غيره مش هايكون في حياة. في المعتقد الأسطوري إن شاماش بيحرك الشمس حوالين الأرض، وطبعا مكانوش يعرفوا إن الأرض هي الي بتلف حوالين الشمس بنفسها ومافيش آلهة وثنية مسؤالة عن حركة الاجرام السماوية. لكن الناس وقتها كانت بترتاح لفكرة وجود كيان مسئول ومتخصص في كل شيء من عناصر حياتهم على حدة، لكنهم كانوا ملاحظين ممتازين فأدركوا إن الشمس بتساعد كمان على علاج بعض الأمراض فنسبوا لشاماش قدرات علاجية إضافية.

وكأي يضارة قديمة زالت، بتزول معاها عبادة آلهتها، الي بيعتقد العلماء الروحانيين في إنهم كيانات روحانية حقيقية إستغلت حاجة البشر لتجسيد قدارت الرب الواحد في آلهة متعددة مادية، فتجلوا للناس وخدعوهم وخلوهم يعبدوهم ويقدمولهم القرابين. بالتلي فالكيان الي سماه البشر شاماش ما إختفاش، وإنما كمن لفترة لحد ما يقدر يخدع مجموعة تانية من البشر ويعبر لعالمنا تاني ويحظى بالتقدير والقرابين.

يُقال إن الكيان المسمى شاماش بيعيش على هيئة نور أو نيران بدون مصدر، في مشاهدات كتير لبحارة بتلاقي نار موقدة بدون مصدر وبشكل مفاجيء على سطح الماء. في مجموعات من الناس الي بتعبد شاماش لحد دلوقتي بأسماء مختلفة، غير طبعا الي عبدوا نفس الإله أو الكيان في حضارات تانية قديمة برضو زي آتون في مصر أو رع.

شاماش هو الكيان الروحاني الوحيد القادر على التحكم في الحرارة والضوء، فبدأ علماء الروحانيات في الربط بينه وبين الشياطين والكيانات الشيطانية الي بظهورها بيحصل خلل في الضوء والحرارة، خاصة إن من ضمن معتقدات عبدة شاماش إنه بيقدر يخرج الشياطين من أجساد البشر، وهنا بيكمن التساؤل، هل شاماش بيخرجهم ولا بيوهم الناس بخروجهم وهم أصلا تابعين له؟ 

رمز شاماش (هانزله في الصور) يشبه النجم، وبيعتقد علماء الشياطين إن رمزه ورمز الإلهة عشتار هم اللبنة الأولى لشكل النجمة الخماسية الخاصة بعبدة الشياطين.

نقدر نقول إن شاماش مختلف خالص عن الكيانات الي إتكلمنا عنها قبل كده عزيزي القاريء، فهو الكيان الأاول الي بيشتغل في صمت من زمان ومابيواجهش البشر بشكله أو بصفاته الشائعة، وبيخطط وبيستغل البشر لأغراض عبادته. هل شاماش أحد أوجه أبليس وواحد من تجسداته على الأرض؟

هانسيب الإجابة لك..

لينك للحلقة التاسعة

https://m.facebook.com/story.php?story_fbid=10158619334030929&id=559350928

لايك وشير لو الكتاب عجبك، ودعمك هو الشيء الوحيد الي بيخلي الترجمات تستمر على الصفحة.